HALLDE

HALLDE er sænskt fyrirtæki sem hefur sérhæft sig í matvinnsluvélum fyrir atvinnueldhús frá árinu 1941. Stofnandinn, Ernst Hall, hannaði fyrst vél sem skar mjúka smjörbita sem auðvelt var að smyrja, og fljótlega bættust grænmetisskurðarvélar í framleiðsluna. Í dag framleiðir HALLDE fjórar gerðir véla fyrir atvinnueldhús: grænmetisskurðarvélar, lóðrétta skera (vertical cutters), CombiCutter-vélar og blandara, ásamt fjölbreyttu úrvali skurðarskífa til að sneiða, rífa, teninga- og strimlaskera. Vélarnar eru hannaðar til að spara tíma og vinnu í eldhúsum veitingastaða, mötuneyta, skóla og stóreldhúsa. HALLDE hefur yfir 200 umboðsaðila í meira en 80 löndum í öllum heimsálfum, og höfuðstöðvarnar eru í Kista í Stokkhólmi.